sorğu
Binəqədi Rayonunda Binəqədi Rayon icra Hakimiyyəti, Yeni Azərbaycan Partiyası Binəqədi Rayon Təşkilatı , Binəqədi rayon Gənclər və idman idarəsi və 26 â„–li Uşaq və Gənclərin Yaradıcılıq Mərkəzinin birgə təşkilatçılığı ilə ümummilli lider Heydər əliyevin anadan olmasının 94-cü ildönümü və “islam həmrəyliyi ili” münasibətilə Binəqədi rayon orta ümumtəhsil məktəblərinin şagirdlərinin təqdimatında “Azərbaycan Səninlədir-Sənsiz deyil” VII yaradıcılıq festivalı keçirilibdir.
Tədbirdə Binəqədi Rayon icra Hakimiyyətinin başçısı Xaləddin isgəndərov, millət vəkili Kamaləddin Qafarov, Bakı şəhəri üzrə Təhsil idarəsinin müdiri Məhəbbət Vəliyeva, Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev, islam ölkələrinin səfirləri və ailə üzvləri, RiH başçısının müavinləri, şöbə müdirləri, YAP Binəqədi Rayon Təşkilatının sədri Ramiz Göyüşov, Rayon Gənclər və idman idarəsinin rəisi Qüdsi Bayramov, bələdiyyə sədrləri, rayonun hüquq-mühafizə və icra strukturları, təhsil, məktəbəqədər təhsil, mədəniyyət və səhiyyə müəssisələrinin rəhbərləri, ictimai təşkilatlar, gənclər, rayon ictimaiyyətinin nümayəndələri, ASAN Könüllüləri iştirak ediblər.
Tədbirin aparıcıları qonaqları salamladıqdan sonra ansamblın ifasında Dövlət Himni səsləndirildi və festival “Qarabağ” şikəstəsi ilə açıq elan olundu. Laureatların vətənpərvərlik mövzusunda çıxışları, rəqs nümunələri, kompozisiyalar tədbir iştirakçıları tərəfindən böyük maraqla qarşılandı. islam həmrəyliyini özündə ehtiva edən çıxışlar tədbir iştirakçılarında xoş anlar yaratmış və atəşfəşanlıqla yekunlaşıbdır.
Tədbirin bədii hissəsindən sonra çıxış edənlər Bakı şəhəri üzrə Təhsil idarəsinin müdiri Məhəbbət Vəliyeva və Mərakeş Krallığının Azərbaycan Respublikasındakı Fövqəladə və Səlahiyyətli səfiri Mohamed Adil Embarch tədbirdə iştirak edən bütün şagirdləri uğurlu çıxışları münasibətilə təbrik etdilər. Belə bir festivalın onların gələcək həyatında böyük rol oynayacaqlarını diqqətə çatdırdılar.
Sonra Rayon icra Hakimiyyətinin başçısı Xaləddin isgəndərov çıxış edərək müsabiqə iştirakçılarını təbrik etdi, onların valideynlərinə və müəllimlərinə təşəkkürünü bildirdi. Ümummilli lider Heydər əliyevin və ölkə başçısının istedadlı və yaradıcı gənclərə olan diqqət və qayğısından söhbət açdı. Natiq çıxışında “islam Həmrəyliyi ili” çərçivəsində belə bir festivalın keçirilməsinin əhəmiyyətinə toxunaraq bildirdi ki, milli-mənəvi dəyərlərimizin qorunması və inkişafı ulu öndər Heydər əliyevin adı ilə sıx bağlıdır. Həm müdrik dövlət başçısı, həm də alovlu bir vətənpərvər kimi milli mədəniyyətə, mənəvi irsə qayğısı, verdiyi dəyər onun əməli fəaliyyətinin hər bir sahəsində özünü göstərir. Bu gün dövlət milli dəyərlərimizin qarantına çevrilmişdir. Ölkə başçısı xalqımızın milli dəyərlərinin təbliğinə, gənclərimizin bu ruhda tərbiyə olunmasına ciddi diqqət yetirir. Dövlət siyasətində hər bir azərbaycanlının, ən əvvəl, öz xalqının dəyərlərinə sahib çıxması, öz mədəniyyətini, adət-ənənəsini, mentalitetini və milli dəyərlərini qoruması önə çəkilir.
Qeyd edək ki, festivalın keçirilməsində əsas məqsəd ümummilli lider Heydər əliyevin anadan olmasının 94-cü ildönümünün qeyd olunması, ulu öndər Heydər əliyevin azərbaycançılıq məfkurəsinin yeniyetmələr və gənclər arasında geniş təbliğ edilməsi, yaradıcı gənclərə dövlət qayğısının artırılması, onların istedad və bacarıqlarının inkişaf etdirilməsi üçün şəraitin yaradılmasıdır.
Festival orta ümumtəhsil məktəblərinin, mədəniyyət və yaradıcılıq mərkəzlərinin şagirdləri arasında ədəbi-bədii layihələr üzrə - bədii qiraət, müəllif şeiri, milli rəqs, musiqi (ifaçılıq, çalğı alətləri) - üzrə keçirilmişdir.
Belediyye.info
